Hapet zyrtarisht tuneli i Llogarasë, fluks i lartë automjetesh në hyrje të tij

Që në orët e para të mëngjesit, hyrja e tunelit të Llogarasë është përfshirë nga trafik i rënduar, me qindra automjete që presin në radhë për të kaluar drejt jugut të vendit. Hapja e tunelit ka sjellë fluks të lartë lëvizjeje, duke shkaktuar vonesa në qarkullim.

Tuneli i Llogarasë u hap sot zyrtarisht për të gjitha kategoritë e automjeteve, përjashtuar ato të tonazhit të rëndë. Ministrja e Energjisë dhe Infrastrukturës, Belinda Balluku, njoftoi se qarkullimi në tunel do të jetë pa pagesë deri më 15 shtator, në mbështetje të sezonit turistik.

Me një gjatësi prej 6 kilometrash, tuneli shmang kalimin nga Qafa e Llogarasë dhe pritet të lehtësojë ndjeshëm udhëtimin drejt jugut të Shqipërisë, shkruan A2 CNN.Shpejtësia e lejuar në tunel varion nga 50 deri në 80 km/h, ndërsa gjatë verës pritet të kalojnë deri në 10 mijë automjete në ditë.