Netanyahu thotë se Izraeli ka informacione se ku ndodhet 60% e uraniumit të Iranit

Benjamin Netanyahu thotë se Izraeli ka “informacion interesant” mbi vendndodhjen e uraniumit të pasuruar 60% të Iranit.

Një burim i lartë iranian i tha sot agjencisë së lajmeve Reuters se pjesa më e madhe e uraniumit të pasuruar shumë në centralin bërthamor Fordow ishte zhvendosur përpara se SHBA-të ta sulmonin atë dje, shkruan Sky News, transmeton “Bota sot”.

Urani duhet të pasurohet deri në 90% për t’u përdorur në një armë bërthamore. Agjencia mbikëqyrëse bërthamore e OKB-së, IAEA, thotë se Irani ka rreth 400 kg uranium të pasuruar 60%.

“Nuk është komponenti i vetëm. Nuk është një komponent i mjaftueshëm. Por është një komponent i rëndësishëm dhe ne kemi informacion interesant mbi këtë, të cilin do të më falni nëse nuk e ndaj me ju.”