Ministria e Mbrojtjes e Shqipërisë i ka ngritur në ajër dronët “Bayraktar”.
Arsyeja është për monitorim të zjarreve që kanë kapluar vendin.
Ministri i Mbrojtjes, Pirro Vengu, ka publikuar pamjet që kanë ardhur nga Bayraktar-ët pas monitorimit në 18 vatra zjarri aktive në rang vendi.
“Që në orët e para të mëngjesit, dronët Bayrakatar TB2 të Forca Ajrore kanë realizuar fluturime mbi 18 vatrat aktive për të vlerësuar nivelin e riskut. Ekuipazhet e Forcave Ajrore dhe efektivët e Forcave te Armatosura në terren në gatishmëri për të ndërhyrë kudo në territor, me përparësi në zonat e banuara”, thotë ministri Vengu në një postim në rrjetet sociale.
Vatrat e zjarrit janë aktive nga Tropoja në Gjirokastër. Mediat në Shqipëri raportojnë se situata më e rëndë ishte ditën e premte në zonën e Delvinës, ku për shkak të flakëve intensive, u urdhërua evakuimi i 3 fshatrave të zonës.
Të tjera
Asambleja e Përgjithshme e OKB-së voton sot për krijimin e një shteti palestinez
Kosova pa dialog strategjik me ShBA-në, s’ka të ardhme
Kosova partner serioz i SHBA-së për paqe në rajon