Daniele De Rossi 780x439
Sport

Do të fitoj 10 milionë euro, zbulohet kontrata e re e De Rossit me Romën

Posted on by Bota e Lajmeve

Daniele De Rossi është konfirmuar në krye të Romës, por nënshkrimi i kontratës ka ardhur vetëm ditën e mërkurë.

Drejtuesit e klubit verdhekuq e kishin konfirmuar trajnerin e ri italian muaj më parë, derisa De Rossi tani ka nënshkruar kontratë tre vjeçare me Giallorosët.

Legjenda italiane do të synoj që ta kthej Romën në Ligën e Kampionëve, edhe pse këtë edicion ishte shumë pranë ta bënte një gjë të tillë.

Megjithatë në kontratën e tij tre vjeçare me Romën, tani është mësuar edhe paga që do ta fitoj De Rossi në Olimpico si trjaner.

‘Il Messaggero’ ka publikuar disa detaje ku trajneri do të fitojë një pagë prej 10 milionë eurosh për tre vjet për rreth 3.3 milionë euro në sezon.

De Rossi ka udhëhequr Romën në 26 ndeshje mes Serie A dhe Ligës së Evropës ku kas marrë 14 fitore, gjashtë barazime dhe gjashtë humbje.