Qeveria e Kosovës ka ndarë nga 100 euro për studentët. Gjithashtu në mbledhjen e sotme ka miratuar edhe bursën e mobilitetit për studentët e nivelit bachelor, për t’i mbështetur ata që studiojnë larg qytetit ku jetojnë.
Ky vendim është marrë kur kanë mbetur më pak se një javë nga mbajtja e zgjedhjeve lokale të 12 tetorit.
Kryeministri Albin Kurti ka deklaruar se përderisa formimi i institucioneve të reja po mbahet pezull, sipas tij, ekonomia po rritet.
Lexo më shumë Osmani: Vuçiqi tentoi ta prishë takimin e Brdo-Brionit në Durrës, por e miratuam deklaratën e përbashkët dhe propaganda e Serbisë pati përballë argumentet tona
Ekonomia ka shënuar rritje prej 4.58 përqind të brutoproduktit vendor në tremujorin e dytë, sipas Kurtit.
Ka shtuar se edhe të hyrat buxhetore kanë shënuar rritje prej 10 përqind krahasuar me vitin paraprak.
“Tashmë e e kemi dëshmuar se rritjen ekonomike e ndajmë me qytetaret. Sepse kur rritja ndahet ajo shumohet. Kur zvogëlohet pabarazia në shoqëri, rritet kërkesa agregate në ekonomi. Në kuadër të kësaj ndarje të rritjes ekonomike sot e miratojmë vendimin për ndarjen nga 100 euro për të gjithë studentet që i plotësojnë kriteret. Mbështetja për studentë nuk mbaron me kaq. Sot do të miratojmë edhe bursën e mobilitetit për studentet bachelor. Shuma e mbështetjes do të varet nga distanca nëpërmjet vendbanimit dhe vendit ku studioni”, ka thënë ai.
Lexo më shumë Kush është Florjan Binaj, kandidati i mbështetur nga PD-ja për Tiranën
Ndërkohë ministri i Financave dhe Transfereve, Hekuran Murati, ka bërë të ditur se për këtë masë janë ndarë 26 milionë euro.
“Nga 100 euro mbështetje e njëhershme me rastin e fillimit të vitit akademik. Lansimi i programit Bursa e Mobilitetit për Studentët”, ka shkruar ai.
Të tjera
Sa është i nevojshëm uji për fëmijët
Zjarr në një objekt pranë Shtëpisë së Kulturës në Prizren (Video)
ZRRE-ja merr vendim për uljen e tarifave të energjisë për ngrohje në Prishtinë dhe Gjakovë