Presidenti i Serbisë, Aleksandar Vuçiq, ka zhvilluar një bisedë telefonike me kryeministrin hungarez Viktor Orban, të cilit i ka uruar sukses në organizimin e takimit të paralajmëruar mes presidentit amerikan Donald Trump dhe presidentit rus Vladimir Putin në Budapest.
“Bisedova sonte me kryeministrin hungarez Viktor Orbán, të cilin e përgëzova për organizimin e takimit të madh paqësor midis presidentit të SHBA-ve Donald Trump dhe presidentit të Federatës Ruse Vladimir Putin,” shkroi Vuçiq në Facebook.
Ai shtoi se i ka dëshiruar Orbánit “shumë sukses dhe besim në organizimin e përsosur të këtij ngjarjeje historike”.
Sipas Vuçiqit, gjatë bisedës është folur edhe për përmirësimin e marrëdhënieve dypalëshe midis Serbisë dhe Hungarisë, ndërsa është arritur marrëveshje që të takohen personalisht brenda shtatë ditëve të ardhshme.
Të tjera
Pirja e duhanit shkakton dhimbjen e shpinës
Si të ndaloni së ngrëni thonjtë
Katër mënyra për ta kuruar shpejt mykun e gojës