Presidenti i Shqipërisë, Bajram Begaj ka pritur në takim komandantin e KFOR-it, Ozkan Ulutash i cili së fundmi erdhi në krye të misionit paqeruajtës të NATO-s në Kosovë.
Rreth takimit, kreu i shtetit shqiptar njoftoi përmes një shkrimi në X.
“I urova mirëseardhje komandantit të misionit të NATO-s, KFOR-it, gjeneralmajor Ozkan Ulutash”.
“Shpreha vlerësimin për rolin thelbësor të KFOR-it në ruajtjen e paqes dhe stabilitetit në Kosovë dhe në të gjithë rajonin, duke riafirmuar mbështetjen e plotë të Shqipërisë për këtë mision”, shkruan Begaj.
Ulutash u rikthye në krye të KFOR-it më 3 tetor, post të cilin e kishte dorëzuar rreth një vit më parë, më 11 tetor 2024.
Të tjera
Serbia i dha miliona të akuzuarit për sulmin në Banjskë
Turqia në qendër të diplomacisë globale, Ankaraja mirëpret më 7 korrik Samitin e NATO-s, zbardhet agjenda
Arrestohet në flagrancë një person i dyshuar për vjedhje në Prishtinë