Aktuale, Lajme

Krimi i trefishtë në qendër të vëmendjes: I dyshuari Shkodra poston video shfajësuese me AI

Posted on by botaelajmeve

Pas gati tre muajsh në arrati, është lajmëruar Mefail Shkodra, i cili ka bërë të ditur se do të dorëzohet në Polici bashkë me djemtë e tij.

Janë bërë gati tre muaj që kur Gjilani u trondit nga një vrasje e trefishtë në mes të ditës, në qendër të qytetit. Nga të shtënat me armë zjarri mbetën të vrarë tre persona dhe një tjetër u plagos.

Si të dyshuar kryesor për këtë ngjarje të rëndë janë Mefail Shkodra dhe dy djemtë e tij.

Ai, përmes një videomesazhi të realizuar me ndihmën e inteligjencës artificiale (AI), ka folur për ngjarjen që çoi në vrasjen e trefishtë.

Në mesazhin e tij, ai insiston se Bujar Hoxha i kishte kërkuar para me fajde, pasi i kishte shitur veturën e tipit Audi Q5, dhe se i kishte dhënë afat 20 ditë për t’ia kthyer paratë.

Më tej, në videon e publikuar, Mefail Shkodra thekson se djemtë e tij nuk kanë bërë asgjë të keqe:

“Djemtë e mi nuk kanë bërë asgjë, vetëm janë vetëmbrojtur”, u shpreh ai.

Shkodra përmend edhe disa emra të policëve që, sipas tij, janë të përfshirë në rast.

Më poshtë e gjeni videomesazhin ku Mefail Shkodra jep versionin e vet për ngjarjen që përfundoi me vrasjen e tre personave në qendër të Gjilanit.