Aktuale, Lajme

Abdixhiku pas takimit Osmani–Kurti: “Shfaqje teatrale dhe zvarritje që thellojnë krizën”

Posted on by botaelajmeve

Kryetari i LDK-së, Lumir Abdixhiku, e ka quajtur shfaqje teatrale takimin e presidentes Vjosa Osmanit dhe kryeministrit në detyrë, Albin Kurti.

Abdixhiku thotë se Republika nuk është material loje për llogaritje të vogla elektorale dhe se ajo mbetet më e madhe se secili prej nesh.

“Kjo shfaqje teatrale, e mandatarëve pa numra, pa shumicë e pa legjitimitet demokratik, duhet të marrë fund. Republika nuk është material loje për llogaritje të vogla elektorale. Republika mbetet më e madhe se secili prej nesh.

Trajtojeni si të tillë.

Shiqoni qytetarët në sy e tregojuni se nuk ka shumicë. Tregojuni qytetarëve se secila parti shqiptare, ka dhënë verdiktin politik, të deponuar tashmë në Presidencë. Ky verdikt është i qartë e është i thejshtë. Sot, matematikisht, me vullnetin e deklaruar politik, nuk ka mundësi për shumicë.

Pse gjithë ky zell për lojëra pa dinjitet minimal politik? A nuk ju duken mjaft 8 muaj vonesë në shtetin më të varfër në kontinent për t’i dhënë vonesa shtesë. A është qëndrimi me çdo kusht në pushtet edhe pa legjitimitet vlerë e re politike e një gjenerate që duhet të sjellë shpresë?”, ka shkruar Abdixhiku.

Tutje, ai ka shtuar se këto zvarritje janë vetëm thellime të krizave.

“Këto zvarritje janë veç thellime të krizave, për të cilat do të mbahet përgjegjësi politike.