Kryeministri në detyrë dhe kryetar i Lëvizjes Vetëvendosje, Albin Kurti, ka komentuar zgjedhjet lokale në Maqedoninë e Veriut.
Kurti ka thënë se nga Çairi në Tetovë, VLEN-i ka arritur të fitojë në dhjetë komuna në Maqedoninë e Veriut.
“Dy miqtë e mi, Izeti dhe Bilalli, triumfuan me meritë, sepse me projekte konkrete dhe punë të ndershme. I pari fitoi që në raundin e parë, i dyti dy javë më vonë, por të dy ngadhënjyen me diferencë të thellë”, ka shkruar ai në Facebook.
Sipas tij, suksesi në zgjedhjet lokale është konfirmim i qeverisjes së mirë të VLEN-it, i vullnetit për ndryshim te shqiptarët dhe një shans i madh për reforma në Maqedoninë e Veriut.
“Në 15 muajt e parë në pushtet, VLEN-i ka qeverisur me duar të pastra, pa korrupsion e skandale, duke bërë edhe një dallim etik me qeverisjet e kaluara. Pikërisht kjo frymë e ndryshimit ka sjellë një bashkëpunim të hapur dhe shumëdimensional mes Kosovës dhe Maqedonisë së Veriut. Nga takimi përmbajtësor i dy qeverive tona, e deri te menaxhimi i përbashkët i kufirit, Kosova dhe Maqedonia e Veriut si kurrë më parë kanë thelluar raportet fqinjësore. Qeveria e Kosovës mirëpret zhvillimet demokratike në Maqedoni të Veriut, si një dëshmi e perspektivës evropiane të partnerit dhe aleatit tonë”, ka shkruar Kurti.
Të tjera
Nganjëherë ju duhen vetëm disa sekonda për lumturi
Kjo është lista me 10 vendet më të vizituara në botë
KEDS tregon se ku do të ketë ndërprerje të rrymës të premten, shkak punimet në rrjet