Prokuroria Themelore në Mitrovicë ka konfirmuar se është intervistuar një person i afërt me viktimën, lidhur me rastin e dyshuar të plagosjes dhe rrëmbimit të një shtetasi serb afër zonës së Leposaviqit.
“Mund të konfirmojmë që është intervistuar një person i afërt me viktimën. Rasti është duke u hetuar në koordinim me Policinë e Kosovës,” thuhet në përgjigjen me shkrim të Prokurorisë.
Dy ditë më parë, Policia e Kosovës njoftoi se më 1 nëntor 2025 ka pranuar informacion për një rast ku një person M. V., shtetas i Kosovës dhe i nacionalitetit serb, dyshohet se është plagosur dhe më pas është rrëmbyer brenda territorit të Kosovës nga xhandarmëria serbe.
Sipas policisë, ngjarja dyshohet të ketë ndodhur në zonën e quajtur “pika zero”, në afërsi të Leposaviqit, në kufirin mes Kosovës dhe Serbisë. Për këtë rast, Policia e Kosovës ka njoftuar dhe është në bashkëpunim me KFOR-in, si përgjegjës për sigurinë në brezin kufitar.
Të tjera
Plani i paqes për G@zën të bazohet në rastin e Kosovës, thotë ish-oficeri amerikan
Haxhiu: Konjufca e bën qeverinë
Shtatë gabimet e pafalshme që bëjnë shumica e grave