Kryeministri i Kosovës, Albin Kurti, ka zhvilluar të dielën një vizitë përkujtimore në Skenderaj, duke ndjekur itinerarin nga Rezalla në Leqinë, nga familja e Ahmet Zabelit tek ajo e Sejdi Gashit, për të vazhduar më pas në konakun e Ibrahim Kuqanit dhe Naser Bajramit.
Në një postim të publikuar në rrjetin social Facebook, Kurti ka theksuar rëndësinë e sakrificës së dëshmorëve dhe martirëve të kombit, si dhe kontributin e invalidëve dhe veteranëve të Ushtrisë Çlirimtare të Kosovës.
“Sakrifica e dëshmorëve dhe martirëve të kombit, invalidëve dhe veteranëve të UÇK-së, është emblema e qëndresës dhe forcës sonë si shtet e komb,” ka shkruar Kurti.
Vizita e kryeministrit në këto familje dhe zona me histori të rëndësishme të rezistencës shqiptare vjen si shenjë respekti dhe mirënjohjeje për kontributin e dhënë gjatë luftës çlirimtare, duke rikujtuar rolin e tyre themelor në ndërtimin e shtetit të Kosovës.
Kurti ka nënvizuar se kujtesa historike dhe nderimi ndaj atyre që u flijuan për liri mbeten obligim institucional dhe moral për brezat e sotëm dhe të ardhshëm.
Të tjera
Policia e Kosovës jep detaje për arr*estimin e ish-pjesëtarit të MUP-it
Metoda natyrale për të shpëtuar nga dhimbja e dhëmbit
Pirja e kafesë mund të zvogëlojë mundësinë e humbjes së dëgjimit sipas një studimi