Ish – kandidati i LDK-së për kryetar të Vushtrrisë, Xhafer Tahiri, ka reaguar lidhur me rezultatin e zgjedhjeve, duke theksuar se rezultati i dobët në zgjedhje është një alarm serioz për gjendjen e brendshme të partisë.
Tahiri ka vlerësuar se LDK-ja po humb mbështetjen qytetare jo për shkak të mungesës së angazhimit në terren, por për shkak të shkëputjes së lidershipit nga baza.
Sipas tij, aktivistët dhe strukturat lokale kanë bërë punën e tyre, por vendimmarrja e mbyllur dhe mosdëgjimi i zërit të anëtarësisë kanë prodhuar pakënaqësi dhe zhgënjim.
LDK po humb sepse është larguar nga njerëzit e saj dhe nga populli. Kjo humbje nuk është rastësi por është pasojë e vendimeve të gabuara
Baza ka punuar, aktivistët kanë sakrifikuar, por zëri i tyre është injoruar. Kjo nuk është LDK-ja në të cilën jemi rritur.
LDK nuk është pronë e askujt. Ajo duhet t’u kthehet anëtarëve, popullit, garës dhe guximit për të ndryshuar. Kush humb duhet të mbajë përgjegjësi.
Unë jam në anën e atyre që kërkojnë ndryshim të vërtetë dhe rikthim të dinjitetit të LDK-së
Të tjera
Spondiliartroza, mënyrat e trajtimit nga terapia fizike te medikamentet
Doni më shumë energji? Flini 30 minuta më shumë
Do të flas me Osmanin për çështjen e presidentit, pastaj me opozitën