Agjencia e Ushqimit dhe Veterinarisë (AUV) ka asgjësuar 19,200 kilogramë mish pule të importuar nga Polonia, pasi në ngarkesë është konstatuar prania e bakterit Salmonella spp.
Sipas njoftimit zyrtar të AUV-së, rasti është identifikuar gjatë kontrollit zyrtar të realizuar nga inspektorët e kësaj agjencie, me kërkesë të kompanisë importuese APETIT Sh.p.k. nga Vushtrria.
Menjëherë pas konstatimit të pranisë së Salmonella spp., e gjithë sasia e mishit të pulës është asgjësuar në përputhje të plotë me procedurat ligjore në fuqi dhe standardet e sigurisë ushqimore, duke mos lejuar që produkti të dalë në treg.
AUV ka bërë të ditur se po vazhdon monitorimin e situatës me vëmendje të shtuar dhe bashkëpunimin e ngushtë me institucionet vendore dhe ndërkombëtare, si dhe me operatorët ekonomikë që merren me importin e mishit, me qëllim të parandalimit të rasteve të ngjashme.
Agjencia ka theksuar se mbetet e përkushtuar në garantimin e sigurisë ushqimore dhe mbrojtjen e shëndetit të konsumatorëve, duke siguruar që produktet ushqimore në treg të jenë në përputhje me standardet evropiane
Të tjera
Pse gjermanët nuk kanë kondicioner?
Modric flet për rikthimin e Mourinhos te Real Madridi: Nuk duhet të më telefonojë
Vuçiq thotë se shërbimi i detyrueshëm ushtarak në Serbi do të nisë në mars