Prishtinë – Sot është mbajtur mbledhja konstituive e Komisionit për Ekonomi, Industri, Ndërmarrësi, Tregti dhe Inovacion, nën udhëheqjen e deputetes së Lëvizjes Vetëvendosje, Rozeta Hajdari.
Gjatë këtij takimi, i cili shënoi fillimin e punës së Komisionit për mandatin e ri, u përcaktuan prioritetet legjislative dhe u dha drita jeshile për një nga dokumentet më rëndësishme financiare të vendit.
Fokusimi te Zhvillimi i Qëndrueshëm
Kryetarja e Komisionit, Rozeta Hajdari, prezantoi fushat kryesore që do të mbulohen gjatë këtij mandati, duke vënë theksin te:
- Avancimi i legjislacionit për mbështetjen e zhvillimit ekonomik.
- Qasja profesionale dhe konstruktive ndërmjet anëtarëve.
- Dialogu i hapur me shoqërinë civile dhe akterët relevantë.
- “Angazhimi ynë do të mbetet i palëkundur në funksion të ndërtimit të një ekonomie moderne, konkurruese dhe të qëndrueshme,” deklaroi Hajdari gjatë mbledhjes.
Miratohet Buxheti për Vitin 2026
Një pikë kyçe e mbledhjes ishte shqyrtimi i Projektligjit nr. 10/L-001 për ndarjet buxhetore të Buxhetit të Republikës së Kosovës për vitin 2026. Pas diskutimeve, Komisioni i dha mbështetje këtij projektligji, duke e proceduar atë për shqyrtim të mëtejmë në seancë plenare në Kuvend.
Ky hap konsiderohet esencial për sigurimin e stabilitetit financiar dhe implementimin e politikave ekonomike të planifikuara për vitin e ardhshëm.
Të tjera
Abdixhiku thotë se ka pasur ndërhyrje “të grupeve të interesit” në Kuvendin e LDK-së
Gjashtë të lënduar pas ak*sidentit në Kçiq, një fëmijë në gjendje të rëndë transferohet në QKUK
U takua me Prattipatin, Kurti tregon për çka biseduan