Superliga vazhdon në fundjavë, vëmendja në “Fadil Vokrri”

Superliga e Kosovës në futboll do të vazhdojë gjatë kësaj fundjave me xhiron e 22-të.

Pa dyshim, dueli më interesant do të zhvillohet në stadiumin “Fadil Vokrri”, ku Prishtina e pret Dritën të dielën me fillim nga ora 20:00.

Kryeqytetasit po kalojnë nëpër një krizë të rezultateve dhe do të përballen me kampionen në fuqi dhe lideren e re në tabelë, Dritën.

Gjilani – Malisheva, Prishtina e Re – Llapi dhe Dukagjini – Ferizaj janë tri ndeshjet që luhen të shtunën me fillim nga ora 13:00.

Kurse, të dielën në orarin e njëjtë, Ballkani do t’i bëjë konak Drenicës.