Lëvizja Vetëvendosje ka njoftuar për hapjen e procesit të brendshëm zgjedhor për përzgjedhjen e kandidatëve për deputetë, duke ftuar anëtarët e saj të aplikojnë për kandidaturë, transmeton KosovaPost.
Sipas njoftimit zyrtar, afati për dorëzimin e kandidaturave dhe mbledhjen e nënshkrimeve do të jetë nga 4 maji deri më 7 maj 2026. Gjatë kësaj periudhe, të gjithë anëtarët e qendrave të subjektit politik kanë të drejtë të kandidojnë, në përputhje me Statutin e lëvizjes.
Për të formalizuar kandidimin, aplikuesit duhet të dorëzojnë këto dokumente:
Deklaratën e kandidaturës
Kopjen e letërnjoftimit
Kopjen e kartelës së anëtarësisë
Listën me nënshkrime mbështetëse
Në njoftim theksohet se çdo kandidat që tërheq formularin e kandidaturës do të pajiset edhe me listën e kritereve mbi bazën e të cilave do të bëhet vlerësimi i tyre.
Dokumentet për aplikim janë të disponueshme në zyrat e Lëvizjes VETËVENDOSJE!
Ky proces konsiderohet pjesë e përgatitjeve të brendshme të subjektit për zgjedhjet e ardhshme parlamentare, duke synuar përfshirje më të gjerë të anëtarësisë në përzgjedhjen e përfaqësuesve politikë.
Të tjera
Kurti takoi Zelenskyn në Samitin e 8-të të Komunitetit Politik Europian
Mënyra e të ushqyerit, ndikimi në shfaqjen e hershme të depresionit
Thaçi nga Haga: Më është mbyllur goja për të folur dhe më janë lidhur duart për të shkruar