Aktuale, Lajme

Kurti prezanton planprogramin e LVV-së, paralajmëron pagën e 14-të në skemë graduale

Posted on by botaelajmeve

Kurti shpalos programin, përmend edhe planifikime graduale për pagën e 14

Në prag të zgjedhjeve të parakohshme parlamentare, kryetari i Vetëvendosjes, Albin Kurti, gjatë prezantimit të planprogramit për katër vitet e ardhshme tha se nga viti 2026 do të nisë përcaktimi me ligj i pagës së 13-të për sektorin publik dhe privat, derisa synim i Qeverisë mbetet edhe planifikimi gradual i pagës së 14-të.

Ai shtoi se kushdo që e humb vendin e punës nuk do të mbetet menjëherë pa të hyra, pasi Fondi i Sigurimeve Shoqërore do të garantojë mbështetje financiare për çdo punëtor për një periudhë të caktuar.

“Kushdo që e humb vendin e punës, nuk do të mbetet më menjëherë për ta hyra, Fondi I Sigurimeve Shoqërore do të garantoj mbështetje financiare për çdo punëtorë për një periudhë të caktuar”, tha ai.

Përveç mbështetjes së sektorëve të tjerë, Kurti përmendi edhe rritjen e përkrahjes financiare dhe rregullimin e tregut të prodhimeve bujqësore për bujqit gjatë mandatit e ardhshëm.

Lëvizja Vetëvendosje nis prezantimin e planprogramit, Kurti pritet me duartrokitje e brohoritje

Nga: A.M.

Lëvizja Vetëvendosje ka nisur sonte tubimin në kuadër të fushatës për zgjedhjet e 7 qershorit, ku po prezanton planprogramin e saj zgjedhor.

Tubimi po mbahet në Salla 1 Tetori, në praninë e një numri të madh të simpatizantëve dhe mbështetësve të partisë, transmeton “Bota sot”.

Në momentin kur lideri i LVV-së, Albin Kurti, ka dalë për të marrë fjalën, salla është përfshirë nga brohoritje të fuqishme të publikut me thirrjet: “Albin Kurti, Albin Kurti”.

Gjatë këtij tubimi, Vetëvendosje po prezanton prioritetet dhe planprogramin e saj për zgjedhjet e 7 qershorit.