Federata e Basketbollit e Kosovës (FBK) ka njoftuar se ka nisur shitja online e biletave për ndeshjen ndërmjet Kosovës dhe Shqipërisë, e vlefshme për parakualifikimet e FIBA EuroBasket 2029.
Kjo përballje e shumëpritur do të zhvillohet më 2 korrik, në Palestrën “Sezai Surroi” në Prizren, me fillim nga ora 19:00.
Për herë të parë, FBK ka vendosur që biletat për ndeshjet e Kosovës të shiten online përmes platformës “KickTick”, duke synuar një proces më të shpejtë dhe më të lehtë për tifozët.
Biletat janë tashmë në dispozicion dhe mund të sigurohen përmes kësaj platforme, me çmim prej 4 euro.
Federata e Basketbollit e Kosovës ka ftuar të gjithë adhuruesit e basketbollit që të jenë pjesë e kësaj sfide të veçantë dhe të mbështesin Kosovën në këtë duel të rëndësishëm drejt kualifikimeve për FIBA EuroBasket 2029.
Të tjera
PZAP-ja refuzon të gjitha ankesat
Ndahet nga jeta njëri prej themeluesve të celulave të para të UÇK-së në Prizren
Kurti: Çdo emër në listën e viktimave përfaqëson një jetë të humbur, Serbia duhet të hapë arkivat për krímet e lúftës