Bajrami kritikon Kurtin për energjinë: Kur i refuzon projektet, mbetesh i varur nga importi

Deputetja e zgjedhur e Lidhjes Demokratike të Kosovës (LDK), Hykmete Bajrami, ka kritikuar Qeverinë e Kosovës dhe kryeministrin në detyrë, Albin Kurti, për politikat energjetike, duke thënë se refuzimi i projekteve si ContourGlobal dhe gazi amerikan ka ndikuar në mungesën e kapaciteteve të reja prodhuese dhe varësinë e vendit nga importi i rrymës.

Ajo ka shkruar në Facebook se gjatë gjashtë viteve të fundit, Kosova ka shpenzuar rreth 1 miliard euro për import të energjisë elektrike, duke e cilësuar këtë si barrë të madhe për ekonominë e vendit, transmeton Klankosova.tv.

“Në fund, çdo refuzim e ka një faturë: Kur nuk prodhon, importon – kur importon, paguan më shtrenjtë – kur paguan më shtrenjtë, rëndon qytetarët dhe bizneset. E ndërkohë, tregtarëve të energjisë u trashen fitimet. Kosova nuk ka nevojë për politikë që e mban peng të importit. Kosova ka nevojë për politikë që prodhon energji, siguri dhe zhvillim.”