Interesimi nga Liga Saudite për Raphinhan është rikthyer sërish, pavarësisht rinovimit të kontratës së brazilianit me Barcelonën dhe deklaratave të tij publike për të ardhmen në “Camp Nou”.
Sipas raportimeve, Al-Hilal dhe Al-Nassr po përgatisin një ofensivë të re për anësorin brazilian, me një ofertë që mund t’i sjellë Barcelonës rreth 80 milionë euro.
Përveç shumës së konsiderueshme për klubin katalunas, sauditet janë të gatshëm t’i ofrojnë Raphinhas një kontratë shumë më të lartë sesa ajo që ai përfiton aktualisht në Spanjë.
Edhe pse lojtari aktualisht është i fokusuar te Kupa e Botës dhe ndihet i lumtur te Barcelona, situata po analizohet sërish nga drejtuesit e klubit, të cilët duhet të balancojnë aspektin sportiv me atë financiar.
Trajneri Hansi Flick e konsideron Raphinhan një nga lojtarët më të rëndësishëm të skuadrës dhe një armë kyçe në sistemin e tij taktik. Braziliani shihet gjithashtu si një nga liderët e ekipit, gjë që e bën çdo largim të mundshëm një humbje të madhe nga pikëpamja sportive.
Të tjera
Ushqimet që ndihmojnë në lehtësimin e dhimbjeve nga artriti
Punime në rrjetin elektrik, KEDS tregon ku do të ketë ndërprerje të rrymës të hënën
LVV distancohet nga Xhevrie Ademi që e ofendoi Rifat Jasharin: Nuk përfaqëson