Blero ia lë fajin vetes për ndarjen nga Afrona Dika – i kërkon falje publikisht

Është publikuar më në fund intervista e Afrona Dikës që ka realizuar me ish-partnerin e saj, Bleron.

Ata janë takuar dy vjet pas përfundimit të martesës për të sqaruar problemet që kishin me njëri-tjetrin dhe për të dhënë një shembull të mirë te publiku.

Blero ia ka lënë fajin vetes, duke shtuar se gaboi në shumë gjëra, si në vendimin për të qëndruar në Kosovë – e jo për t’u bashkuar me blogeren në Zvicër.

Artisti shqiptar për ndarjen e fajësoi më shumë veten dhe i kërkoi falje publike Afronës.

Nga ana tjetër, Dika gjithashtu pranoi që ka bërë shumë gabime në lidhje me atë kohë, por që nuk i ka menduar pasojat.

Ata kanë sqaruar çdo gjë për fansat, duke hedhur poshtë të gjitha aludimet e tjera.