Screenshot 5 5 E1720089082838 780x439
Lajme

Dita e pavarësisë së SHBA-së, Krasniqi: Amerika, frymëzim për të gjitha shtetet

Posted on by Bota e Lajmeve

Kryetari i Partisë Demokratike të Kosovës, Memli Krasniqi ka uruar qytetarët amerikanë në 248-vjetorin e pavarësisë së SHBA-së.

Krasniqi në një postim në Facebook shkruan se para se gjithash, kjo është një ditë që e feston e gjithë bota e lirë dhe demokratike, krah për krah me Shtetet e Bashkuara.

“Në përvjetorin e 248 të Pavarësisë së SHBA-së, u shpreh urimet e përzemërta stafit të Ambasadës Amerikane në Republikën e Kosovës, Ambasadorit Hovenier, pjesëtarëve të Ushtrisë Amerikane në Kosovë dhe të gjithë qytetarëve amerikanë.

Përkushtimi dhe mbështetja e palëkundur e treguar nga SHBA-të kanë frymëzuar shtetet anembanë globit, përfshirë Kosovën, që të nisin një rrugë të re – atë të lirisë dhe të zhvillimit.

Vlerat e demokracisë, të drejtave të njeriut dhe barazisë, të promovuara nga SHBA-të, shërbejnë si udhëzues frymëzimi për të gjithë ato shtete që kërkojnë të ndërtojnë një të ardhme më të ndritur”, shkruan Krasniqi.