Kronikë e zezë

Dylbi teleskopi, pompa uji e aparate – Policia sekuestron mallra të kontrabanduara në vlerë mbi 10 mijë euro në rrugën Stançiq-Gjilan

Posted on by Bota e Lajmeve

Policia e Kosovës në bashkëpunim me Doganën e Kosovës, të mërkurën në rrugën Stançiq- Gjilan ka ndaluar një automjet transportues (furgon) me targa vendore me drejtues B. F. (viti i lindjes 1976), ku gjatë kontrollit të saj është vërejtur se kishte të ngarkuara disa paketa me mallra të ndryshme në vlerë mbi 10 mijë euro.

Në njoftimin e Policisë së Kosovës thuhet se në automjet janë gjetur dhe sekuestruar: dylbi teleskopi, pompa uji, aparate, bateri e mallra dhe gjësende të ndryshme.

“Të gjitha veprimet janë ndërmarrë në bashkëpunim me Prokurorinë e Shtetit, ku malli i kontrabanduar dhe automjeti sekuestrohen dhe dërgohen në terminalin doganor”, thuhet në njoftim.

Ndërkaq, sipas njoftimit Policia e Kosovës mbetet e përkushtuar në luftimin e të gjitha dukurive negative dhe sjelljen para drejtësisë të të gjithë personave të përfshirë në raste penale. /