1
Roze

Fansat e pyesin sërish se a do të jetë prezantuese e Big Brother VIP, Arbana Osmani: Me rëndësi është të mos heqësh dorë

Posted on by Bota e Lajmeve

Largimi i Arbana Osmanit nga pozicioni i prezantueses së Big Brother Vip Albania nuk ka kaluar pa u vënë re nga publiku, duke vijuar të jetë temë e nxehtë në rrjetet sociale. Pavarësisht se është larguar përfundimisht nga Top Media, interesimi për prezantuesen nuk po shteron.

Së fundmi, Arbana është pyetur sërish në Instagram në lidhje me këtë format të njohur televiziv. Ndjekësit, të cilët vazhdojnë të ndjekin me vëmendje çdo hap të saj, kanë ngritur pyetje mbi arsyet e largimit dhe ndjesitë e saj për Big Brother VIP Albania.

Një ndjekës i kujdesshëm e pranoi se ndoshta Arbana nuk do t’i përgjigjej pyetjes së tij, por gjithsesi vendosi ta bëjë atë.

Në përgjigje të kësaj pyetjeje, Arbana e tregoi edhe një herë zemërgjerësinë dhe përkushtimin e saj ndaj publikut. Ajo u shpreh se është shumë e rëndësishme që ndjekësit e saj të mos heqin dorë nga çfarëdo që ata besojnë.