Fifi dhe Lumi B bashkuan forcat për një super-bashkëpunim, lansojnë këngën “Taj Taj”

Këngëtarja e dashur për publikun shqiptar, Fifi, dhe reperi i njohur dhe gjithmonë i pranishëm në skenën muzikore, Lumi B, kanë bashkuar talentet për një projekt të ri muzikor që ka tërhequr vëmendjen e menjëhershme të fansave.

Kënga e tyre e përbashkët, e titulluar “Taj Taj”, u publikua së fundmi dhe brenda më pak se 24 orësh arriti të grumbullojë afro 350 mijë shikime në YouTube, duke dëshmuar interesin e madh që publiku ka për këtë bashkëpunim.

Projekti u shoqërua edhe me një klip muzikor të realizuar në mënyrë profesionale, i cili përforcon atmosferën nostalgjike dhe energjinë ritmike të këngës.

Zhanri muzikor i “Taj Taj” është një kombinim i elementeve modernë me nuanca të lehta nostalgjie, që e bëjnë këngën të veçantë dhe të dallueshme në tregun muzikor aktual.