Ministrja në detyrë e Drejtësisë dhe bashkëkryetarja e Partisë Guxo, Donika Gërvalla, në një paraqitje të fundit mediatike ka folur për mundësinë e koalicioneve qeverisëse pas zgjedhjeve.
Fillimisht, Gërvalla kritikoi PDK-në, duke thënë se kjo parti ende përfaqëson një pjesë të politikës që, sipas saj, mban përgjegjësi për nivelin e lartë të krimit dhe korrupsionit në vend. Ajo theksoi se Partia Guxo nuk ka asgjë të përbashkët me PDK-në.
“Partia Demokratike e Kosovës ende përfaqëson atë pjesë të politikës e cila është përgjegjëse për një dozë të jashtëzakonshme të krimit dhe korrupsionit që ka sunduar vendin tonë. Prandaj, sidomos me PDK-në, Partia Guxo nuk ka as edhe një gjë të përbashkët”, u shpreh ajo.
“Me PDK-në? Për të luftuar krimin dhe korrupsionin, jo.
Cili është lidershipi i PDK-së? A mund t’ia vini gishtin njërit? Sa kryetarë ka PDK-ja?
Formalisht ka një kryetar, por praktikisht ka disa kryetarë.
Nuk mund të luftohet krimi dhe korrupsioni, nuk mund të çohet vendi përpara me PDK-në në gjendjen në të cilën është sot. Nuk po flas për një kohë të ardhshme, kur mund të ketë ndodhur një reformim i brendshëm, por për momentin absolutisht jo”, deklaroi mes tjerash Gërvalla.
Të tjera
Kurti: Komuniteti egjiptian pjesë e pandarë e historisë dhe shtetndërtimit të Kosovës
Fenerbahce nënshkruan kontratë pesëvjeçare me sulmuesin senegalez Amara Diouf
Ylli i Chelseat po e kërkon largimin, disa orë pasi Chelsea arriti marrëveshje për një lojtar të ri