Gjuajti në ajër dhe kërcënoi me armë gruan – Momenti kur Policia arreston 48-vjeçarin në Vlorë

Një ngjarje e rëndë është parandaluar në Vlorë, pasi një 48-vjeçar ka shtënë me kallashnikov, duke kërcënuar gruan e tij.

Rasti ka ndodhur mëngjesin e të shtunës, ku policia e Vlorës është njoftuar se një shtetas po kërcënonte me jetë bashkëshorten e tij duke qëlluar me armë zjarri në ajër, në fshatin Akërni të Vlorës.

48-vjeçari B. I., është arrestuar nga Policia në tentativë për t’u larguar me automjetin e tij.

Gjatë kontrollit në automjet, shërbimet e Policisë gjetën dhe sekuestruan armën e zjarrit kallashnikov me të cilën ai kishte kërcënuar bashkëshorten e tij.

Në vijim të kontrollit, u gjetën dhe u sekuestruan gjithashtu një sasi lënde narkotike kanabis dhe municion luftarak.