Andin Hoti, ministër i Ministria për Punë, Familje dhe Vlerat e Luftës Çlirimtare, ka njoftuar për themelimin e katër komisioneve me qëllim garantimin e trajtimit të drejtë dhe ligjor të çdo kërkese dhe ankese nga qytetarët.
Sipas njoftimit, janë themeluar: Komisioni i Ankesave për shtesat e fëmijëve dhe lehonave, Komisioni i Ankesave për ndihmën sociale, Komisioni zbatues për shqyrtimin e kërkesave nga programi pilot SAS, si dhe Komisioni i Ankesave për programin pilot SAS.
Ministri Hoti ka theksuar se çdo qytetar që konsideron se i është cenuar një e drejtë, tashmë ka adresë institucionale për të kërkuar shqyrtim të rastit, duke ftuar qytetarët që ankesat dhe kërkesat t’i drejtojnë pranë komisioneve përkatëse.
Ai ka nënvizuar se angazhimi i tij mbetet trajtimi i barabartë për secilin, zbatimi strikt i ligjit dhe zero tolerancë ndaj padrejtësive.
Të tjera
Kupa e Italisë, Como pret Interin
Do të sigurohemi që KFOR-i në Kosovë të mbetet i fuqishëm dhe i aftë për qëllimin e tij
A përtoni të zgjoheni herët dhe ndiheni më aktiv gjatë natës? 6 kuriozitete për “bufat e natës”