Kosova fiton me rikthim spektakolar, e mposht 5-2 Armeninë

Kombëtarja e Kosovës ka arritur të marrë një fitore – me rikthim – ndaj Armenisë.

“Dardanët” e nisën keq ndeshjen, duke pësuar qysh në minutën e tetë, pas një gabimit të portierit, Amir Saipi.

Në minutën e 23-të, ishte Lumbardh Dellova që shënoi një supergol, për rezultatin prej 1-1.

Gjashtë minuta më vonë, Armenia doli përsëri në epërsi, pas një eurogoli tjetër nga gjuajtja e lirë.

Kështu edhe përfunoi pjesa e parë e ndeshjes.

E dyta ishte e tëra e Kosovës, e cila shënoi edhe tre gola të tjerë, për rezultatin përfundimtar prej 5-2.

Fillimisht shënoi Mërgim Vojvoda nga penalltia, teksa Lindon Emërllahu shënoi për 3-2, pas një goditje të bukur.

Për rezultatin final të takimit u përkujdes Albion Rrahmani, i cili shënoi për 4-2 dhe 5-2 në minutat e fundit të ndeshjes.

Ndeshjen e radhës, Kosova e luan më 9 qershor ndaj Komoreve, përsëri në “Fadil Vokrri”.