Kryenegociatori i Kosovës me Bashkimin Evropian dhe Koordinatori Kombëtar për Instrumentin për Reforma dhe Rritje, Jeton Zulfaj, ka zhvilluar një takim njoftues me shefat e misioneve të shteteve anëtare të BE-së në Kosovë, transmeton KosovaPost.
Në një njoftim për media nga Zyra e Kryeministrit thuhet se takimi është zhvilluar me ftesë të Eva Palatová, ushtruese e detyrës së shefes së BE-së në Kosovë.
“Diskutimi u përqendrua në ecurinë e procesit të integrimit të Kosovës në BE, progresin në zbatimin e Agjendës së Reformave në kuadër të Instrumentit për Reforma dhe Rritje (RGF), si dhe në nevojën për forcimin e koordinimit institucional dhe garantimin e zbatimit të qëndrueshëm të reformave”, thuhet në njoftim.
Zulfaj ka shprehur falënderime për BE-në dhe shtetet anëtare për ndihmën dhe kontributin në zhvillimin e Kosovës.
“Fokusi i tij kryesor do të jetë avancimi drejt statusit kandidat dhe hapja e negociatave si hapa të natyrshëm drejt anëtarësimit të plotë në Bashkimin Europian. Zulfaj ritheksoi se anëtarësimi i Kosovës në Bashkimin Evropian është një përpjekje e përbashkët. Kosova është e linjëzuar me politikën e jashtme të BE-së, ndan vlerat e përbashkëta evropiane, prin në rajon në indekset e avancimit demokratik dhe ka mesatare të lartë të zhvillimit ekonomik, andaj avancimi drejt anëtarësimit në BE është hap i natyrshëm dhe i merituar.”, thuhet në njoftim.
Të tjera
Komuna e Përparim Ramës paguan afër 20 mijë euro për një konsulent, ndonëse ka staf të brendshëm
Vllaznia vs Malisheva, sonte përballje shqiptare në Conference League
Ushqimet që duhet t’i hani për të pasur një pleqëri të shëndetshme