Akademia Suedeze ka shpallur shkrimtarin hungarez László Krasznahorkai si fituesin e Çmimit Nobel në Letërsi për vitin 2025, “për veprën e tij bindëse dhe vizionare që, në mes të terrorit apokaliptik, riafirmon fuqinë e artit”.
Krasznahorkai njihet si një nga zërat më të fuqishëm të letërsisë bashkëkohore evropiane, me një stil të dendur dhe hipnotik që ndërthur absurditetin, groteskun dhe një reflektim të thellë filozofik.
I krahasuar shpesh me Kafka-n dhe Thomas Bernhard-in, ai shtrihet përtej traditës së Evropës Qendrore, duke marrë frymëzim nga kultura dhe estetika e Lindjes, veçanërisht Japonia dhe Kina.
Ndër veprat më të rëndësishme të tij janë romani “Sátántangó”, “The Melancholy of Resistance”, si dhe përmbledhja e jashtëzakonshme “Seiobo There Below”, një meditim i thellë mbi bukurinë, artin dhe përkohshmërinë. Në këtë të fundit, një nga skenat më të paharrueshme është ajo e një çafke të bardhë në lumin Kamo të Kiotos, që bëhet metaforë e pozitës së padukshme dhe të vetmuar të artistit në botën moderne.
Të tjera
Për herë të parë Specialja publikon pamjet nga brenda burgut në Hagë ku mbahen Thaçi dhe të tjerët
Kurti me Haxhiun bëjnë homazhe te varri i dëshmorit Agron Rrahmani
Këto janë përfitimet shëndetësore të ecjes në kohën e dimrit