Mërgimtari nga Kosova e harroi djalin në një pompë benzini në Kroaci, nuk e kuptoi deri në Slloveni – bëhet virale historia e tij

Së fundmi, një burrë nga Kosova ka ndarë një histori qesharake në emisionin Radar të televizionit Dukagjini, me temën “Çka keni harruar diçka të rëndësishme?”.

Ai tregoi se si e kishte harruar djalin e tij 17 vjeçar në një pompë benzini në Kroaci, dhe e kuptoi pas gati 80 kilometrave rrugë.

“Unë e kam harruar djalin në një pompë benzini në Kroaci, e kam kaluar edhe një shtet, deri në Slloveni”, dëgjohet të thotë burri, i cili tregon se janë ndalur në një pompë benzini për ta mbushur veturën me derivat dhe i ka pyetur fëmijët se a kanë nevojë për tualet.

Si përfundim, ai tregon se është kthyer përsëri pas dhe e ka gjetur djalin “me duar në xhepa”, i bindur se familja e tij do të kthehet për ta marrë.