Ministri turk, Hakan Fidan, pritet ta vizitojë Kievin

Ministri i Jashtëm turk, Hakan Fidan, i cili ndodhet sot në Moskë, do të udhëtojë për në Kiev javën e ardhshme, njofton ministria e Jashtme e Turqisë.

Turqia po përpiqet të ketë kontakte të mira me kryeqytetet e të dy vendeve dhe ka qenë mikpritëse e bisedimeve të mëparshme të mbajtura midis një delegacioni rus dhe një ukrainas në Stamboll, njoftojnë mediet e huaja.

E vetmja gjë konkrete në bisedime ishte shkëmbimi i 1.000 të burgosurve të luftës nga secila palë, të cilëve iu lejua të ktheheshin në vendet e tyre të origjinës.