Ministri në detyrë i Bujqësisë, Pylltarisë dhe Zhvillimit Rural, Armend Muja, në mbështetje të Ligjit për Ushqim dhe kompetencave për garantimin e sigurisë ushqimore, transparencës dhe gjurmueshmërisë në treg, ka nxjerrë vendimin për sistemin e detyrueshëm të raportimit digjital në sektorin e qumështit.
“Përmes këtij vendimi, qumështoret, pikat grumbulluese, përpunuesit dhe importuesit do të obligohen të raportojnë në mënyrë digjitale të dhëna mbi grumbullimin, prodhimin, stoqet, importet, si dhe përdorimin e qumështit pluhur dhe yndyrave bimore në produktet ushqimore”, thuhet në komunikatën e MBPZHR-së.
Tutje theksohet se sistemi do të forcojë transparencën në treg, gjurmueshmërinë e produkteve ushqimore dhe bashkëpunimin institucional ndërmjet MBPZHR-së, AUV-it, Doganës dhe institucioneve tjera relevante.
“Ky është një hap i rëndësishëm në mbrojtje të konsumatorit, fermerëve vendorë dhe zhvillimit të një tregu më transparent, më të drejtë dhe më të kontrolluar në sektorin e qumështit në Republikën e Kosovës”, thuhet tutje në komunikatë.
Të tjera
Presidenti Begaj kalon nëpër Kosovë, policia njofton për kufizime në trafik
Këto ushqime duhet t’i hani në mëngjes
Dogana ndalon 128 palë këpucë të markave të mbrojtura në Han të Elezit