Pas konstituimit të Kuvendit dhe formimit të Qeverisë së re, Ministria e Financave, Punës dhe Transfereve është ndarë në dy dikastere të veçanta: Ministrinë e Financave dhe Ministrinë për Punë, Familje dhe Vlera të Luftës Çlirimtare.
Në këtë kuadër, sot është mbajtur ceremonia e dorëzim-pranimit të detyrës, ku ministri i Financave, Hekuran Murati, priti në takim ministrin e ri për Punë, Familje dhe Vlera të Luftës Çlirimtare, Andin Hoti.
Murati i uroi suksese Hotit në udhëheqjen e ministrisë së re, duke shprehur gatishmërinë për mbështetje të plotë gjatë fazës tranzitore. Ai e njoftoi gjithashtu me punën e deritanishme dhe me sfidat që pritet të adresohen në vijim.
Nga ana e tij, ministri Hoti falënderoi Muratin për bashkëpunimin, ndërsa prezantoi planet dhe prioritetet e tij për zhvillimin e sektorëve që tashmë i ka në përgjegjësi.
Të dy ministrat theksuan rëndësinë e bashkëpunimit ndërinstitucional për t’iu përgjigjur nevojave dhe sfidave të qytetarëve.
Të tjera
Luftoni ftohjen dhe kollën me këtë çaj magjik
Kur duhet të martoheni, sipas shenjës së horoskopit
Ushqimet që ju mbajnë të freskët gjatë verës