Autoritetet komunale të Prizrenit dhe ata të Mamushës kanë njoftuar se në bashkëpunim me Kompaninë Rajonale të Ujësjellësit “Gjakova” ka nisur realizimi i projektit që do të mundësojë furnizimin me ujë për disa fshatra të Përdrinisë dhe për Mamushën.
Komuna e Prizrenit ka njoftuar se fshatrat Krushë, Piranë, Zojz dhe Medvec do të kenë furnizim të qëndrueshëm me ujë të pijshëm, pas jetësimit të këtij projekti, raporton Telegrafi.
Nënkryetari i kësaj komune, Kujtim Gashi ka marrë pjesë në ceremoninë e fillimit të punimeve për ndërtimin e rrjetit të ujësjellësit për këto vendbanime, duke theksuar se “Komuna e Prizrenit në memorandumin e bashkëpunimit me KRU “Gjakova” ka participuar me 300 mijë euro”.
“Përkushtimi i qeverisjes aktuale lokale për rritjen e kapaciteteve, për shtimin e ujit të pijes në Komunën e Prizrenit, do të jetë i vazhdueshëm”, thuhet në njoftimin e Komunës së Prizrenit.
Ai ka bërë të ditur se vlera e përgjithshme e projektit është 1.8 milionë euro.
Të tjera
Komshiq pret Kurtin në Presidencë: Nuk do ta pyesim Dodikun, as këdo tjetër me kë të takohemi
“Edi Rama është urdhërdhënësi i këtij ndalimi” – Pse u ndalua kënga “Mora Fjalë” në stadiumet shqiptare?
Të arrestuarit nga Gjykata Speciale dërgohen në Hagë