QKUK njofton se është rritur numri i pacientëve, sidomos në Onkologji

Qendra Klinike Universitare e Kosovës ka njoftuar se kanë pranuar rritje të numrit të pacientëve që kanë kërkuar shërbime në ambulancat specialistike, përfshirë edhe Klinikën e Onkologjisë, transmeton KosovaPost.

Sipas njoftimit, kjo dukuri është dalluar sidomos për shkak të festave zyrtare.

“Megjithatë, theksojmë se stafi shëndetësor ka qenë në detyrë gjatë gjithë kohës dhe ka punuar me përkushtim maksimal për të ofruar shërbime. Të gjithë pacientët janë trajtuar sipas protokolleve klinike në fuqi dhe asnjë pacient nuk është kthyer pa marrë shërbimin e nevojshëm”, thuhet në njoftimin e QKUK-së.