Rëndohet situata para Kuvendit/ Disa të shoqëruar nga policia, mes tyre dhe Dritan Goxhaj!

Vijon e tensionuar situata para Kuvendit ku qytetarët po protestojnë, ndërsa brenda godinës po zhvillohet seanca parlamentare.

Raportohet se pasi qytetarët kanë gjuajtur me vezë makinën me të cilën po largohej një nga ligjvënësit, janë përplasur fizikisht me policinë që po tenton t’i largojë nga zona e Kuvendit.

Në pamje, shihej një person në tokë, të cilit po i jepej ndihma e parë, ndërsa pati disa të shoqëruar. Mes tyre dyshohet se ishte dhe Dritan Goxhaj, një aktivist i sulmuar më herët dhe nga kryeministri Edi Rama.