“Tensionet po rriten” – Vuçiq lëshon mesazh alarmues pas aksionit të Kosovës në veri

Presidenti i Serbisë, Aleksandar Vuçiq, ka reaguar nga Kina pas zhvillimeve të fundit në Zveçan, duke deklaruar se situata për serbët në Kosovë do të bëhet edhe më e vështirë.

Ai tha se Serbia po pret ndryshime në arenën ndërkombëtare që, sipas tij, do të mundësonin realizimin e kërkesave serbe ndaj Kosovës.

Vuçiq akuzoi vendet perëndimore për mbështetje të njëanshme ndaj Prishtinës dhe pretendoi se ndaj Serbisë po përdoren standarde të dyfishta.

Deklaratat e tij vijnë në kohën kur institucionet e Kosovës kanë intensifikuar veprimet kundër strukturave paralele në veri të vendit.