Partia Demokratike ka thirrur sot një protestë kombëtare në atë të cilën e quan si një nisje të një vale protestash deri në arritjen e qëllimeve që është largimi i Edi Rama nga drejtimi i qeverisë pas skandaleve të mëdha të korrupsionit që kanë kulmuar me kërkesën e Prokurorisë së Posaçme drejtuar Kuvendit të Shqipërisë për t’i hequr imunitetin dhe dhënien e autorizimit për arrestimin e Zëvendëskryeministres Belinda Balluku.
Me grumbullimin e deputetëve të opozitës dhe liderëve të opozitës, kanë nisur dhe shtyrjet e para fizike mes protestuesve dhe policisë të vendosur në gardh para Kryeministrisë.
Ishin fillimisht deputetët e PD të cilët u përplasën fizikisht me uniformat blu që përbënin kordonin te selia qeveritare.
Protestuesit kanë hedhur kapsolla dhe bomba molotov drejt Kryeministrisë. Ndërsa policia është përgjigjur me spraj lotsjellës.
Të tjera
Sllovakia e ndalon hyrjen në stadium për tifozët me pasaporta të Kosovës në sektorët e tifozëve vendës
Tre llojet më të rëndësishme të ushqimeve për rënien nga pesha
Synimi ynë është fuqizimi i kapitalit vendor