Kryenegociatori i Kosovës me Bashkimin Evropian, Jeton Zulfaj, ka zhvilluar takim me ambasadorin e Suedisë në Kosovë, Sh.T. Jonas Westerlund.
Sipas njoftimit, ambasadori e ka uruar Zulfajn për detyrën e re, teksa ka ritheksuar mbështetjen e Suedisë për proceset reformuese dhe integrimin evropian të Kosovës.
“Gjatë takimit u diskutua për bashkëpunimin ndërmjet Kosovës dhe Suedisë, avancimin e reformave në kuadër të Agjendës Evropiane, si dhe rëndësinë e partneriteteve të bazuara në vlera të përbashkëta demokratike”, thuhet në njoftim.
Zulfaj theksoi se marrëdhëniet ndërmjet Kosovës dhe Suedisë mbështeten në vizionin e përbashkët për demokracinë, sundimin e ligjit dhe bashkëpunimin rajonal, duke nënvizuar rëndësinë e vazhdimit të këtij partneriteti në mbështetje të reformave dhe rrugëtimit evropian të Kosovës.
Të tjera
Egjipti i dërgoi një ankesë zyrtare FIFA-s dhe po kërkon dënime drastike, ata veçuan dy gabime themelore
81-vjetori i aneksimit të Kosovës nga Serbia
SHBA godet më shumë se 80 objektiva në një raund të ri “sulmesh hakmarrëse” kundër Iranit