Ushtruesi i detyrës së kryeprokurorit të shtetit, Besim Kelmendi e shefi i EULEX-it Giovanni Pietro Barbano kanë zhvilluar takim, ku bashkë kanë folur për sundimin e ligjit në Kosovë, transmeton KosovaPost.
Siç bëhet e ditur nga Prokuroria e Shtetit, gjatë këtij takimi, Kelmendi si ushtrues i detyrës së kryeprokurorit dhe shefi i EULEX-it zhvilluan diskutime, që ata i quajnë të frytshme lidhur me çështjet që kanë të bëjnë me forcimin e sundimit të ligjit në Republikën e Kosovës.
“Konkretisht në këtë takim u diskutua për çështjet e interesit të përbashkët, përfshirë këtu rëndësinë e avancimit të bashkëpunimit të ndërsjellë, nevojën për ruajtjen e pavarësisë së pushtetit gjyqësor, ku bën pjesë edhe sistemi prokurorial, si dhe ngritjen e koordinimit në çështjet që kanë të bëjnë me forcimin e sundimit të ligjit në Republikën e Kosovës|, thuhet në njoftim.
Kelmendi, ka potencuar se EULEX-i mbetet njëri nga partnerët më të rëndësishëm të institucionit të Prokurorit të Shtetit.
Të tjera
Kurti mbi 309 mijë vota, Konjufca 240 mijë, 10 më të votuarit në VV pas numërimit të rreth 90 përqind të votave
Fëmijët e vetëm më të rrezikuar nga obeziteti
Numërohen mbi 80% e votave për deputetë, renditja e top-pesësheve s’ndryshon