SHBA dhe Kosova forcojnë partneritetin ekonomik përmes Odës Amerikane

E ngarkuara me punë në Ambasadën e ShBA-së në Prishtinë, Anu Prattipati, gjatë ditës së sotme ka pritur në takim Drejtorin Ekzekutiv të Odës Ekonomike Amerikane në Kosovë (AmCham/OEAK), Arian Zekë, dhe Presidentin e Bordit të OEAK-së, Lorik Fejzullahu.

Siç njofton Ambasada, temë diskutimi ka qenë thellimi i bashkëpunimit ekonomik ShBA-Kosovë.

“Si një urë kyçe për kompanitë amerikane, AmCham ndihmon në promovimin e një klime mikpritëse për biznesin dhe lidh bizneset përmes delegacioneve drejt Shteteve të Bashkuara të Amerikës – duke mbështetur investimet dypalëshe dhe rritjen e përbashkët”, tha Ambasada në një postim në Facebook, të cilin e përmbylli me fjalinë “Partneri i preferuar i ShBA-së”.