Digjet një shtëpi e braktisur në Prizren, dyshohet për shpërthim nga bombola e gazit

Një shtëpi është përfshirë nga flakët në Prizren, duke shkaktuar ndërhyrjen e menjëhershme të zjarrfikësve.

Sipas Policisë së Kosovës, objekti i përfshirë nga zjarri ishte i braktisur dhe aty qëndronte një person i pastrehë. I njëjti ka deklaruar se zjarri ka shpërthyer aksidentalisht, pasi i ka rënë një bombolë gazi.

Njësitë policore dhe ekipi i zjarrfikësve kanë dalë në vendin e ngjarjes, ku zjarri është lokalizuar pa u raportuar për të lënduar.

Lidhur me rastin është njoftuar prokurori, ndërsa hetimet për zbardhjen e plotë të rrethanave janë duke vazhduar.