Rubio vizitë në Lindjen e Mesme, Departamenti i Shtetit jep detaje

Sekretari i Shtetit, Marco Rubio do të udhëtojë këtë javë në një vizitë në Lindjen e Mesme.

Kjo do të jetë vizita e parë e një zyrtari të lartë amerikan që viziton rajonin pas nënshkrimit të marrëveshjes SHBA-Iran.

Zëdhënësi i Departamentit të Shtetit, Tommy Pigott ka njoftuar se Rubio do të udhëtojë në Emiratet e Bashkuara Arabe, Kuvajt dhe Bahrein nga e marta deri të enjten.

Irani i sulmoi vazhdimisht këto vende gjatë luftës, dhe madje edhe gjatë armëpushimit nominal.

Këto sulme, të cilat dëmtuan si infrastrukturën civile ashtu edhe asetet amerikane, shkaktuan gjithashtu viktima, përfshirë vdekjen e gjashtë anëtarëve të shërbimit amerikan.

“Do të diskutojë një sërë prioritetesh rajonale, duke përfshirë memorandumin e mirëkuptimit me Iranin, përpjekjet për të siguruar tranzit të plotë dhe të lirë përmes Ngushticës së Hormuzit dhe rëndësinë e paqes dhe stabilitetit në rajon”, ka thënë Pigott në një deklaratë, për qëllimet e vizitës së Rubios në këto shtete.

Ndërsa, ndodhet në Bahrein, Rubio do të takohet me Këshillin e Bashkëpunimit të Gjirit për të diskutuar prioritetet e përbashkëta në të gjithë rajonin, raporton CNN, transmeton Klankosova.tv.