Deputeti i Aleancës për Ardhmërinë e Kosovës (AAK), Bekë Berisha, ka reaguar me ironi ndaj kandidaturave të propozuara nga Lëvizja Vetëvendosje për postin e presidentit të vendit.
Ai ka deklaruar se do të marrë pjesë në seancën e Kuvendit, por ka theksuar se nuk është në dijeni se kush janë dy kandidatet e propozuara, duke lënë të kuptohet se nuk i njeh ato si figura publike.
“Ne po shkojmë e nuk e di as kush janë emrat. Nuk po i njoh vallahi. S’e di, vallahi s’e di”, ka thënë Berisha, duke komentuar shkurtimisht propozimet e LVV-së.
Deklarata e tij vjen në kuadër të seancës së jashtëzakonshme të Kuvendit të Kosovës, e thirrur për diskutim dhe votim rreth zgjedhjes së presidentit të ri të vendit, ku Lëvizja Vetëvendosje ka propozuar Feride Rushitin dhe Hatixhe Hoxhën si kandidate për këtë post.
Të tjera
Trump: SHBA-ja duhet ta mbajë Netanyahun “pak të shëndoshë mendërisht” në lidhje me Libanin
Mjedra për të humbur peshë
Juventusi kontakton agjentin e Dybalas, por lojtari ka tjetër prioritet