Hamza thirrje qytetarëve që të dalin e të votojnë

Lideri i Partisë Demokratike të Kosovës, kandidati për kryeministër, Bedri Hamza u ka bërë thirrje qytetarëve që të dalin të votojnë.

Pasi ushtroi të drejtën e tij të votës, Hamza ka shprehur bindjen se procesi do të shkojë mirë, qetë dhe se qytetarët do të votojnë në mënyrë demokratike.

“Unë i ftoj të gjithë qytetarët e Kosovës që të votojnë. Jam i bindur që do të jetë ditë e qetë, e mirë, do të votojnë në mënyrë demokratike të qetë. Uroj që gjithçka të shkojë mbarë. Deri tash nuk kam ndonjë informacion për ndonjë problem, e uroj të mos ketë”, deklaroi Hamza pas votimit.