Mario Mitaj 780x439
Sport

Juventusi kërkon nga Lokomotiva e Moskës të ulë kërkesat për Mitajn

Posted on by Bota e Lajmeve

Mario Mitaj është i gatshëm për tu larguar nga Rusia dhe për ta bërë hapin e madh në karrierë.

Mbrojtësi shqiptar ka shkëlqyer me Lokomotivën e Moskës, por edhe në Kampionatin Evropian me Kombëtaren e Shqipërisë.

E ardhmja e anësorit të majtë duket se do të jetë në elitën e futbollit italian Serie A te një nga skuadrat më të mëdha si Juventusi.

Zonja e Vjetër prej kohësh e ka në listën e dëshirave Mitajn, derisa është në bisedime me Lokomotivën e Moskës për transferimin e shqiptarit në Allianz Stadium.

Problemi qëndron te çmimi që Lokomotiva kërkon prej 12 milionë eurosh, me Juventusin që e konsideron të lartë.

20-vjeçari ka kontratë me Lokomotivën deri në verën e vitit 2025 dhe kjo është arsyeja që Juventus nuk dëshiron të ofroj kaq shumë për një lojtar që ka vetëm edhe një vit kontratë.

Tuttosport ka raportuar se Zonja e Vjetër i ka bërë të qartë klubit rus se nuk paguan më shumë se shtatë milionë euro për anësorin shqiptar.