Kualifikimet për Champions, Shkëndija synon ta eliminojë edhe Qarabagun

Kampionia e Maqedonisë së Veriut në futboll, Shkëndija, javën tjetër do ta ketë përballjen e radhës në kualifikimet për Champions League.

Skuadra nga Tetova do ta zhvillojë ndeshjen e fazës së tretë kualifikuese kundër Qarabag FK.

Loja do të zhvillohet në Shkup, të martën e 5 gushtit nga ora 20:00.

Ekipi i drejtuar nga Jeton Beqiri synon të arrijë fazën finale të kualifikimeve të garës më të rëndësishme të futbollit evropian për klube.

Shkëndija ka arritur sukses historik pasi që në fazën e dytë arriti ta eliminojë gjigantin rumun, Steauan nga Bukureshti.